राहदानी विभागको नयाँ भवनको नक्सा नै पास नगरी करोडौँको बिल्डिगं ठडाएको पाएपछि झोक्किए बालेन, अब के हुन्छ ?
काठमाडौं ।
काठमाडौं महानगरपालिकाका मेयर बालेन शाहको पछिल्ले काम भूमिगत पार्किङका पसलहरु हटाउने अभियानले तिब्रता पाएका बेला व्यापारी आफैंले अन्डरग्राउन्ड पार्किङबाट पसल हटाउन थालेका छन् ।
बुधबार न्युरोड र बिहिबार अल्पाबिटामा डोजर चले लगत्तै बानेश्वरमा यूएफओ ब्रान्डको पसल चलिरहेको व्यवसायिक भवनको पार्किङ क्षेत्र खाली गर्न थालिएको छ ।
महानगरले ३५ दिनको सुचना दिएर अन्डरग्राउन्डमा राखिएका पसलर र स्टोर र नक्साबिना निर्माण गरिएका भवनहरु समेत हटाउन थालेपछि व्यापारी आफैंले पार्किङबाट पसल हटाएर महानगरलाई सहयोग गरिरहेका बेला बालेनले अर्को सफलता पनि हाता पारेका छन् ।
काठमाडौं महानगरपालिकाकाले राहदानी विभागले नक्सा पास नगरी भवन बनाएको रहस्य पत्ता लगाएको छ । राहदानी विभागले गत वर्ष मात्रै बनाएको यो नयाँ भवनमा कन्सुलर सेवा विभाग समेत रहेको छ ।
सोही भवनको नक्सा पास नै नरहेको काठमाडौं महानगरपालिका भवन निर्माण विभागका एक अधिकारीले दाबी गरे । १ अर्ब ५ करोड लागतमा विभागको यो भवन निर्माण भएको हो ।
विभागले सोही भवनमा भूमिगत पार्किङ पनि बनाएको छ । सेवाग्राहीलाई समस्या हुने भन्दै बेसमेन्टलाई सेवाग्राहीको ‘वेटिङ रुम’ निमार्ण गरेको विभागलाई अब बालेन शाह नेतृत्वको काठमाडौं महानगरपालिकाले के गर्ला ? यो प्रश्न पेचिलो बन्ने वाला छ ।
0 Response to "राहदानी विभागको नयाँ भवनको नक्सा नै पास नगरी करोडौँको बिल्डिगं ठडाएको पाएपछि झोक्किए बालेन, अब के हुन्छ ?"
Post a Comment