कक्षाकोठामा हाँसेको भन्दै यी सरले निर्घात कुटपिट गरे कक्षा १० मा अध्ययनरत जेनितलाई, घाइते बिद्यार्थीको लुम्बिनी हस्पिटलमा उपचार हुँदै

 लुम्बिनी :

कक्षाकोठामा हाँसेको भन्दै शिक्षकले विद्यार्थी कुटेको घटना बाहिर आएको छ ।

रुपन्देहीको बुटवल–८ दीपनगरस्थित दीप बोर्डिङ हाई स्कुलका एक शिक्षकले कक्षा १० मा अध्ययनरत जेनित रायमाझी हाँसेको भन्दै निर्घात कुटपिट गरेका हुन् ।

कुटपिट जेनित घाइते भएको बताइएको छ । कक्षाकोठामा हाँसेको भन्दै शिक्षक गुरागाईंले थप्पड हान्दा चोट लागेको जेनितका आमा चन्दा रायमाझीले बताइन् ।

यसअघि पनि शिक्षकले आफ्नो छोरामाथि पटक-पटक कुटपिट गरेको चन्दाको आरोप छ ।

शिक्षकको कुटाइबाट घाइते जेनितलाई लुम्बिनी हस्पिटल एन्ड टेक्निकल कलेजमा उपचार गरिएको छ । उपचारका क्रममा उनको बंगारामा असर पुगेको बताइएको छ ।